دۆناڵد ترەمپ سەرۆکی ئەمریکا لە چاوپێکەوتنێکدا لەگەڵ کەناڵی "CBS News"ڕایگەیاند، هەرچەندە هێشتا ڕوون نییە کە ئایا ئەو ئامانجی سەرەکیی هێرشەکەی هۆتێل هیلتۆن بووە یان نا، بەڵام پەیام و نووسینەکانی هێرشبەرەکە دەریدەخەن کە ناوبراو خاوەنی فکرێکی توندڕەو بووە.
ترەمپ ئاماژەی بەوە کرد، هێرشبەرەکە گۆڕانکارییەکی گەورە لە بیروباوەڕیدا ڕوویداوە و لە کەسێکی باوەڕداری مەسیحییەوە گۆڕاوە بۆ کەسێکی دژە مەسیحی. گوتیشی، پێشتر برا و خوشکی هێرشبەرەکە پۆلیسیان لە ڕەفتارە گوماناوییەکانی ئاگادار کردووەتەوە و خێزانەکەی بەردەوام نیگەرانی دۆخی بوون.
لە بەشێکی دیکەی قسەکانیدا، ترەمپ ڕەخنەی توندی لە ڕکابەرە سیاسییەکانی گرت و ڕایگەیاند: ئەو گوتاری ڕق و کینەیەی دیموکراتەکان پەیڕەوی دەکەن، مەترسییەکی گەورەیە بۆ سەر ئاسایش و سەقامگیریی وڵات.
کۆمێنت (0)
تا ئێستا هیچ کۆمێنتێک نەکراوە.