بەرپرسێکی باڵای سەربازی ئیسرائیل هۆشدارییەکی توند دەداتە تاران و ڕایدەگەیەنێت، ئەگەر دانوستانەکان شکست بهێنن و ئاگربەست بڕووخێت، ئێران ڕووبەڕووی "لێدانێکی کەموێنە و سەخت" دەبێتەوە کە زیانی گەورەی پێ دەگەیەنێت.
سوپای ئیسرائیل و ئەمریکا لە هەماهەنگییەکی تەواودان بۆ ئەگەری شکستهێنانی ئاگربەست کە بڕیارە کۆتایی ئەم هەفتەیە تەواو بێت.
بەرپرسە ئیسرائیلییەکە بۆ ڕۆژنامەی "مەعاریف" ئاشکرای کردووە، لیستی ئامانجەکانیان نوێ کردووەتەوە و ئەمجارە "وێستگەکانی وزەی ئێران" لە ئامانجی سەرەکیدا دەبن.
ئیسرائیل پێی وایە ئێران لە ئێستادا لە دۆخێکی "زۆر لاواز و ماندوودایە"، ئابوورییەکەی داڕماوە و توانا سەربازییەکانی بەهۆی جەنگەوە کەمی کردووە.
بەگوێرەی زانیارییەکانی سوپای ئیسرائیل، لە ماوەی تەنها 40 ڕۆژی جەنگدا، فڕۆکە جەنگییەکانی ئەمریکا و ئیسرائیل زیاتر لە 37 هەزار بۆمب و مووشەکیان بەسەر ئێراندا باراندووە
کۆمێنت (0)
تا ئێستا هیچ کۆمێنتێک نەکراوە.