دۆناڵد ترەمپ، کاندیدی کۆمارییەکان بۆ سەرۆکایەتی ئەمریکا ڕایگەیاند، یەکێک لە ئامانجە سەرەکییەکانی بنبڕکردنی ماددەی هۆشبەر و ڕێگریکردنە لە بڵاوبوونەوەی، جەختیشی کردەوە کە "ماددەی هۆشبەر ناهێڵین" و ڕێگە نادەین ئەو ژەهرە ژیانی هاووڵاتییانمان وێران بکات.
دۆناڵد ترەمپ لە نوێترین پەیامیدا ئاماژەی بەوە دا، کە پلانێکی توندی هەیە بۆ بەرەنگاربوونەوەی بازرگانانی ماددەی هۆشبەر و کارتێلەکان، بەتایبەتی لەڕێگەی توندکردنەوەی کۆنتڕۆڵی سنوورەکان و ڕێگریکردن لە قاچاخچێتی. ناوبراو جەختی کردەوە کە ئەو ماددانە ساڵانە هەزاران گەنجی ئەمریکی دەکوژن و پێویستە بە توندترین شێوە مامەڵە لەگەڵ ئەو کەسانە بکرێت کە بازرگانیی پێوە دەکەن.
هەروەها ترەمپ باسی لەوە کرد، کە کار دەکات بۆ ئەوەی ئەمریکا لە ماددەی هۆشبەر پاک بکاتەوە و پارێزگاری لە خێزانەکان بکات، بەڵێنی دا کە بە هێزێکی زیاترەوە ڕووبەڕووی ئەو قەیرانە دەبێتەوە کە بووەتە هەڕەشە بۆ سەر ئاسایشی نەتەوەیی وڵاتەکەی.
کۆمێنت (0)
تا ئێستا هیچ کۆمێنتێک نەکراوە.