بڕیارە سبەی شەممە كۆبوونەوەیەكی تایبەتی چوارچێوەی هەماهەنگی بەڕێوەبچێت بۆ یەكلاكردنەوەی تاكە بەربژێرێك بۆ پۆستی سەرۆك وەزیرانی داهاتووی عێراق.
فیراس مسلماوی گوتەبێژی هاوپەیمانی ئاوەدانكردنەوە و گەشەپێدان بە ئاژانسی فەرمی عێراقی راگەیاندووە: سبەی شەممە كۆبوونەوەی تایبەتی چوارچێوەی هەماهەنگی بەڕێوەدەچێت، چاوەڕوان دەكرێت لە كۆبوونەوەكەدا بەفەرمی كەسێك دیاری بكرێت بۆ پۆستی سەرۆك وەزیرانی داهاتووی عێراق.
هەروەها رایگەیاندووە: ئامانجی کۆبوونەوەی سبەی شەممە چەسپاندنی کۆدەنگی نیشتمانی و کۆتاییهێنان بە چەقبەستوویی سیاسییە بەمەبەستی هەڵبژاردنی سەرۆك وەزیرانی نوێی عێراق.
گوتەبێژی هاوپەیمانی ئاوەدانكردنەوە و گەشەپێدان جەختیشی كردەوە كە هاوپەیمانیەتییەكەیان هەموو هەوڵێك دەدات بۆ ئەوەی ئەم كۆبوونەوەیە ببێتە خاڵی دەستپێك بۆ پێكهێنانی حكوومەتێكی خزمەتگوزاری نیشتمانی كە لەگەڵ خواستەكانی گەلی عێراق و دوور لە سیاسەتی رێگریكردن یەك بگرێتەوە.
کۆمێنت (0)
تا ئێستا هیچ کۆمێنتێک نەکراوە.