کیەر ستامەر، سەرۆک وەزیرانی بەریتانیا ڕایگەیاند، وڵاتەکەی خۆی بەدەست ئەو فشارانەوە نادات کە بۆ بەشداریکردن لە جەنگی دژی ئێران دەخرێنە سەری.
کیەر ستامەر ئاماژەی بەوە کرد، دوای هەڕەشەکانی دۆناڵد تڕەمپ، سەرۆکی هەڵبژێردراوی ئەمریکا، بەریتانیا هێشتا لەسەر هەڵوێستی خۆی بەردەوامە و نایەوێت پەلکێشی جەنگێکی نوێ لە ناوچەکەدا بکرێت. جەختیشی کردەوە کە ئەوان "تەسلیم نابن" و ناچنە ژێر باری هیچ فشارێک بۆ تێوەگلان لە ڕووبەڕووبوونەوەی سەربازی لەگەڵ تاران.
ئەم لێدوانانەی کیەر ستامەر لە کاتێکدایە، کە دۆناڵد تڕەمپ لە میانی بانگەشەکانی و دوای سەرکەوتنی لە هەڵبژاردنەکاندا، چەندین جار هەڕەشەی گرتنەبەری ڕێکاری توندی بەرامبەر ئێران کردووە. بەریتانیا کە هاوپەیمانێکی ستراتیژیی ئەمریکایە، لەم قۆناغەدا هەوڵ دەدات هاوسەنگییەک لە نێوان پەیوەندییەکانی لەگەڵ واشنتن و پاراستنی سەقامگیری ڕۆژهەڵاتی ناوەڕاستدا ڕابگرێت، بەتایبەت لە کاتێکدا کە مەترسییەکانی فراوانبوونی ململانێکان لە ناوچەکەدا زیادیکردووە.
کۆمێنت (0)
تا ئێستا هیچ کۆمێنتێک نەکراوە.