کەشتیی جەنگیی (USS Tripoli) گەیشتە ناوچەی بەرپرسیارێتی فەرماندەیی ناوەندیی هێزەکانی ئەمریکا (سێنتکۆم)، کە زیاتر لە 3,500 سەرباز و مارینزی لەسەرە و ئەرکە سەربازییەکانی دەستپێکرد.
وەزارەتی بەرگریی ئەمەریکا ڕایگەیاند، ڕۆژی 27-3-2026، کەشتیی جەنگیی "USS Tripoli" کە لە جۆری "America-class"ـی هێرشبەری ئەمفیبییە، گەیشتە سنووری فەرماندەیی ناوەندیی هێزەکانی ئەمەریکا (CENTCOM). ئەم کەشتییە وەک کەشتیی سەرەکیی گرووپی "Tripoli" و یەکەی 31ـی هێزی مارینز (31st MEU) کار دەکات.
کەشتییەکە نزیکەی 3,500 سەرباز و مارینزی لەسەرە، جگە لەوەی چەندین جۆری فڕۆکەی گواستنەوە و فڕۆکەی جەنگیی هێرشبەر و ئامێرە تاکتیکییەکانی هێرشی ئەمفیبی لەخۆدەگرێت، کە توانایەکی سەربازیی گەورە بە هێزەکانی ئەمەریکا لە ناوچەکەدا دەبەخشێت.
ئەم هەنگاوەی واشنتن لە کاتێکدایە، کە گرژییەکانی ناوچەی ڕۆژهەڵاتی ناوەڕاست و کەنداو گەیشتوونەتە ئاستێکی مەترسیدار.
جێگیرکردنی ئەم هێزە زەبەلاحە ئامانجی بەهێزکردنی تواناکانی ئەمەریکایە بۆ هەر ئەگەرێکی سەربازی و پاراستنی بەرژەوەندییەکانی لە ناوچەکەدا، هاوکات نیشاندانی ئامادەیی تەواوە بۆ وەڵامدانەوەی هەر هەڕەشەیەک کە ڕووبەڕووی هاوپەیمانەکانی ببێتەوە لەم بارودۆخە هەستیارەدا.
کۆمێنت (0)
تا ئێستا هیچ کۆمێنتێک نەکراوە.