دۆناڵد ترەمپ، سەرۆکی ئەمریکا لە نوێترین لێدوانیدا لە شاری میامی، بە شێوازێکی جیاواز باسی لە کێشەکانی ناوچەکە کرد. ترەمپ ڕایگەیاند: خەریکی دانوستانن لەگەڵ ئێران بۆ کۆتاییهێنان بە شەڕ و بە پێکەنینەوە گوتی: "وەک مەرجێک بۆ ئاشتی، دەبێت ناوی گەرووی هورمز بگۆڕدرێت بۆ 'گەرووی ترەمپ".
بەپێی هەواڵێکی ڕۆژنامەی (The Jerusalem Post)، ترەمپ جەختی لەوە کردەوە، ئێران چیتر "شەقاوەکەی ناوچەکە" نییە و هێزی لێ بڕاوە. هەروەها گومانی لە زیندوومانەوەی (موجتەبا خامنەیی) ڕێبەری نوێی ئێران کرد و گوتی: "کەس دەنگی نابیستێت، یان مردووە یان باری تەندروستی زۆر خراپە."
سەبارەت بە هەنگاوەکانی داهاتووی، ترەمپ رایگەیاند: "دوای ڤەنزوێلا و ئێران، ئێستا نۆرەی کوبایە." ئاماژەی بەوەش کرد، سوپایەکی زۆر بەهێزی بنیات ناوە و ئەگەر پێویست بکات دژی حکوومەتی کوبا بەکاری دەهێنێت.
ترەمپ لە کۆتاییشدا ڕەخنەی لە هاوپەیمانی "ناتۆ" گرت و گوتی: چونکە ئەوان لە کاتی پێویستدا هاوکاری ئەمریکایان نەکرد، ئێمەش ناچار نین بەرگرییان لێ بکەین.
کۆمێنت (0)
تا ئێستا هیچ کۆمێنتێک نەکراوە.