ئهمرۆ پێنجشهممه، سهرۆك بارزانی بهبۆنهی هاتنهوهی جهژنی رهمهزانی پیرۆز پهیامێكی پیرۆزبایی ئاڕاستهی خهڵكی كوردستان و ماڵباتی شههیدان و پیشمهرگه قارهمانهكان و موسوڵمانانی كوردستان و جیهان و ناوچهكه كرد، هیوای خواست جهژنێكی پڕ له ئاسودهیی و ئاشتی و سهقامگیریی بێت بۆ ههموو لایهك.
دهقی پهیامی سهرۆك بارزانی ..
بەناوی خودای بەخشندە و میهرەبان
بەبۆنەی جەژنی ڕەمەزانی پیرۆزەوە گەرمترین پیرۆزبایی ئاراستەی موسڵمانانی جیهان و عێراق و كوردستان دەكەم. پیرۆزبایی جەژنی ڕەمەزان لە خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتیانی كوردستان دەكەم.
لەو بۆنە پیرۆزەدا هیوای سەرفیرازی و بەختەوەری بۆ خەڵكی خۆشەویستی كوردستان دەخوازم و لە خودای گەورە داواكارم ڕۆژوو و نزای هەموو موسڵمانانی قبووڵ كردبێت و ئەو جەژنە ئاشتی و ئارامی بۆ ناوچەكەمان و گشت مرۆڤایەتی بەدی بهێنێت.
مسعود بارزانی
30ـی ڕەمەزانی 1447ـی كۆچی
کۆمێنت (0)
تا ئێستا هیچ کۆمێنتێک نەکراوە.