ئەمجەد حسێن پەناهی، ئەندامێکی سەرکردایەتی کۆمەڵەی زەحمەتکێشانی کوردستان بە (کوردستان تیڤی) ڕایگەیاند، یەکێک لە بارەگاکانی حزبەکەیان لە لایەن چەند درۆنێکی نەناسراوەوە کراوەتە ئامانج و بۆردومان کراوە.
لەو چوارچێوەیەدا، ئەمجەد حسێن پەناهی ئاشکرای کرد کە هێرشەکە لە ڕێگەی 12 درۆنەوە ئەنجامدراوە، بەڵام جەختی لەوە کردەوە کە خۆشبەختانە هیچ زیانێکی گیانی لە ڕیزەکانی پێشمەرگە و ئەندامانی حزبەکەدا نەکەوتووەتەوە.
هەروەها ئاماژەی بەوەش کرد، بەپێی بەدواداچوونە سەرەتاییەکانیان، دیارە کە ئەو درۆنانە لە شوێنێکی نزیک لە بارەگاکەیانەوە ئاراستە کراون و بۆردومانەکەیان ئەنجامداوە.
ئەم هێرشە لە کاتێکدایە کە ناوچەکە بە بارودۆخێکی ئەمنی هەستیاردا تێدەپەڕێت و چەندین جار بارەگای حزبەکانی ڕۆژهەڵاتی کوردستان لە ناو خاکی هەرێمی کوردستان دەکرێنە ئامانجی هێرشە موشەکی و درۆنییەکان.
کۆمێنت (0)
تا ئێستا هیچ کۆمێنتێک نەکراوە.