بەڕێوەبەرایەتی هاتوچۆی هەولێر بڕیاری دا هاتوچۆی ئۆتۆمبێلی بارهەڵگر و ماتۆڕسكیل لە شوێنە گەشتیاری و سەیرانگاكان لە ماوەی رۆژانی جەژن قەدەغە بێت.
هاتوچۆی هەولێر لە ئاگادارییەكدا دەڵێت "ئاگاداری شوفێرانی بارهەڵگر و ماتۆڕسیکل دەکەینەوە کەوا لە یەکەم ڕۆژی جەژنی ڕەمەزانی پیرۆزەوە بۆ ماوەی پێنج ڕۆژ هاتوچۆی ئۆتۆمبێلی بارهەڵگر و ماتۆرسیکل قەدەغەیە".
هەروەها دەڵێت "قەدەغەی هاتوچۆیەكە رۆژانە له کاتژمێر 7ی بەیانی تا 12شەو دەبێت.
ئاماژە بەوەش دەكات "قەدەغەكە لەو شوێنانە دەكرێت كە دەكەونە رێگای سەر شوێنە گەشتیاری و سەیرانگاکان".
هاتوچۆی هەولێر ئاماژە بەوەش دەكات كە ئەم بڕیارە لەپێناو بەرژەوەندی گشتی و دروستنەبوونی جەنجاڵی و ئاستەنگی هاتوچۆ و سەلامەتی گەشتیارانە لەم ڕێگایانەدا.
کۆمێنت (0)
تا ئێستا هیچ کۆمێنتێک نەکراوە.