هەردوو وەزارەتی خوێندنی باڵا و وەزارەتی پەروەردەی هەرێمی کوردستان لە ڕاگەیەندراوێکی هاوبەشدا بڕیاریاندا پشووی بەهارەی ئەمساڵ پێشبخەن و بۆ ماوەی 15 ڕۆژ بێت.
ڕۆژی هەینی 6ـی ئادار، لە ڕاگەیەندراوێکی هاوبەشی وەزارەتی خوێندنی باڵا و توێژینەوەی زانستی و وەزارەتی پەروەردەدا هاتووە: لەپێناو بەرژەوەندیی گشتی و پاراستنی سەلامەتیی مامۆستایان و قوتابیان، لە ڕۆژی یەکشەممە 8 ـی 3 ـی 2026 تاوەکو ڕۆژی دووشەممە 23 ـی 3ـی 2026، لە گشت ناوەندەکانی خوێندن پشوو دەبێت.
لە ڕاگەیەندراوەکەدا هاتووە، بڕیارەکە سەرجەم قوتابخانە و پەیمانگە و زانکۆ حکومی و ناحکومییەکان و قوتابخانە تایبەت و نێودەوڵەتییەکانیش دەگرێتەوە.
هەروەها ئاماژە بەوە کراوە، بەهۆی ئەم بارودۆخەی لە ناوچەکەدا هەیە ئەمساڵ پشووی بەهارە لە ناوەندەکانی خوێندن پێشخراوە.
ساڵانە پشووی فەرمیی بەهارەی ناوەندەکانی خوێندن لە 11 ـی 3 ـی 2026 دەست پێ دەکات و تاوەکو 23ـی 3ـی 2026 بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.