لە چوارچێوەی هەڵمەتەکانی چاودێریکردنی بازاڕ لە مانگی ڕەمەزاندا، لیژنەکانی قایمقامیەتی هەولێر سەردان و پشکنینیان بۆ چەندین شوێن و فرۆشگای گەڕەکی خانزاد کرد و بەشێکیان ئاگادارکرانەوە سەردانی قایمقامیەت بکەن
ڕۆژی شەممە 21ـی شوبات، قایمقامیەتی قەزای ناوەندی هەولێر ڕایگەیاند، بە بۆنەی مانگی پیرۆزی ڕەمەزان، لیژنەی پشکنین و چاودێریکردنی بازاڕ بە سەرپەرشتی ڕاستەوخۆی قایمقامیەت، لە چوارچێوەی هەڵمەتی چاودێریكردنی بازار و ڕێگەگرتن لە ساخکردنەوەی خۆراکی ماوهبەسەرچوو، لە گەڕەکی خانزاد لە شاری هەولێر 11 شوێن بەسەرکرانەوە.
قامقامیەتی قەزای ناوەندی هەولێر ئاماژەی بەوەش کرد، لە مانگی ڕەمەزانی پیرۆز خواستێکی زۆر لەسەر شیرینەمەنییەکان (پاقڵاوە) و تورشیات لە لایەن هاووڵاتییانەوە زیاد دەبێت. بۆ ئەو مەبەستە لیژنەی پشکنین و چاودێریکردنی بازاڕ بۆ دڵنیابوون لە کوالێتی و پاکی ئەو خۆراکانە سەردانی 11 شوێنیان لە گەڕەکی خانزاد کرد.
لە هەڵمەتەکەدا، چەند شوێنێکی وەک نانەواخانە و چێشتخانە و ماڕکێتیش بەسەرکراونەتەوە.
ئەو شوێنانەی پێویستە سەردانی قایمقامیەت بکەن:
شیرینەمەنی باوکی ئیڤان
نانەواخانەی سەربەرد
شیرینەمەنی حەمە پاقڵاوە
شیرینەمەنی جوانی عسل
ئەو شوێنانەی پابەندی ڕێنماییەکان بوون:
شیرینەمەنی ئیمان
خواردنگەی حەسار ڕۆست
مارکێتی شارەکەم
کولێرە بە ڕۆنی شارەکەم
تورشیاتی زەیتونە
شیرینەمەنی باوکی مەدینە
شیرینەمەنی خەمتین
کۆمێنت (0)
تا ئێستا هیچ کۆمێنتێک نەکراوە.