لە درێژەی کار و چاڵاکیەکانی نوێنەرایەتی حکوومەتی هەرێمی کوردستان لە یەکێتی ئەوروپا، د. دلاوەر خالید ئاژگەیی ونوێنەری حکوومەتی هەرێمی کوردستان لە یەکێتی ئەوروپا و شاندێکی یاوهری سەردانی وەزارەتی دەرەوەی هۆلەندای کرد و لە گەڵ گووشێ ئالتێس، بەرپرسی بەشی باکووری ئەفریقا و رۆژهەڵاتی ناوەراست و بەرپرسی دێسکی عێراق کۆبووهوه .
لە میانەی کۆبوونەوەکەدا د. دلاوەر خالد ئاژگەیی، پووختەیەکی لە دوایین پەرەسەندەکانی سیاسی ناوچەکە و هەرێمی کوردستان خستە روو و سیاسەت و تێروانین حکوومەتی هەرێمی کوردستانی لە سەر رووداوەکان و بارودۆخەکە خستە روو.
رووداوەکانی ئەم دوایەی سووریا و رۆژئاوای کوردستان و هەوڵەکانی سەرکردایەتی سیاسی هەرێمی کوردستان بە تایبەتی سەرۆک بارزانی بۆ دابیکردنی ئاسایش و سەقامگیری خرانه بهر باس.
له بەشێکی تری دیدارەکە هەردوولا هاورا بوون کە کێشەکان بە ئاشتی و دیالۆگ چارەسەر بکرێن و گرنگە مافی کورد و پێکهاتەکانی تر لە دوارۆژی سوریا لە رێزیان لێبگیرێ.
لایەنی ئەوروپی سوپاس و پێزانینی خۆی راگەیاند بۆ رۆڵی هەرێمی کوردستان و سەرۆک بارزانی بۆ دابینکردنی ئاشتی و لێکتێگەیشتن و سەقامگیری لە ناوچەکە.
دوایین هەنگاوەکانی پێکهێنانی کابینەی نوێی حکوومەتی هەرێمی کوردستان و عێراق و بەشێکی تری کۆبوونەوەکە بوون.
لە کۆتاییدا هەردوولا خوازیارییان بۆ بەهێزکردنی پەیوەندیەکانی نێوان هەرێمی کوردستان و شانشینی هۆلەندا دووپات كردهوه.
کۆمێنت (0)
تا ئێستا هیچ کۆمێنتێک نەکراوە.