مەفرەزەکانی پۆلیسی دارستان و ژینگەی پارێزگای سلێمانی، لە دوو چالاکی جیادا لە سنووری بەکرەجۆ و قەرەداغ، توانییان 4 سەرپێچیکار بەتۆمەتی بڕینی دار و خەڵوزکردن دەستگیربکەن.
لە چالاکی یەکەمدا، مەفرەزەکانی بنکەی پۆلیسی دارستانی بەکرەجۆ دوای وەرگرتنی زانیاری ورد، لە سنووری گوندی (ژاڵەی سەروو) 3 سەرپێچیکاریان دەستگیرکرد. لە کاتی دەستگیرکردنەکەدا، دەست بەسەر 1 ئۆتۆمبێل و 460 فەردە خەڵوزی قەبارە مامناوەند، لەگەڵ بڕێکی زۆر داری بڕدراودا گیرا.
لەلایەکی تەرەوە، مەفرەزەیەکی بەشی پۆلیسی دارستان و ژینگەی قەرەداغ لە کاتی گەڕان و پشکنیندا لە سنووری گوندی (گەڕەزیل)، توانییان سەرپێچیکارێک دەستگیربکەن کە هەستابوو بە بڕینی چەندین درەختی سروشتی لە جۆری (بەڕوو). لەو چالاکییەدا دەست بەسەر دارە بڕدراوەکان و 1 مشاری داربڕین و 1 تەوراسدا گیرا.
لە ئێستادا بۆ هەر چوار تۆمەتبارەکە پەڕاوی لێکۆڵینەوە ڕێکخراوە و ڕادەستی بەڕێز دادوەری لێکۆڵینەوە کراون بۆ وەرگرتنی ڕێکاری یاسایی بەرامبەریان.
کۆمێنت (0)
تا ئێستا هیچ کۆمێنتێک نەکراوە.