ماوەی دوو هەفتەیە گەمارۆیەکی توند خراوەتە سەر شاری کۆبانێ و تەواوی ڕێگاکانی هاتن و چوون بەڕووی شارەکەدا داخراون، ئەمەش بووەتە هۆی دروستبوونی قەیرانێکی سەختی مرۆیی و کەمیی پێداویستییە سەرەتاییەکان.
کۆگاکان و دوکانەکانی شارەکە خەریکە لە کاڵا و خۆراک چۆڵ دەبن ئەمەش بووەتە هۆی بەرزبوونەوەی لە ڕادەبەدەری نرخەکان.
دەرمان و پێداویستییە پزیشکییەکان لە دەرمانخانەکاندا کەمبوونەتەوە، بەتایبەت شیری منداڵان کە دەستکەوتنی بووەتە کارێکی ئەستەم.
بەهۆی خراپیی بارودۆخەکەوە، لە نزیکەی 46 گوند دا پرۆسەی خوێندن پەکیکەوتووە و قوتابخانەکان داخراون.
خەڵکی شارەکە باس لەوە دەکەن کە ژیان لەوپەڕی ناخۆشیدایە و داوا دەکەن بە زووترین کات ڕێگاکان بکرێنەوە و هاوکارییە مرۆییەکان بگەنە شارەکە.
هاووڵاتییانی کۆبانێ بانگەواز دەکەن بۆ لایەنە پەیوەندیدارەکان و کۆمەڵگەی نێودەوڵەتی تاوەکوو دەستبەجێ فشار بخەنە سەر لایەنە گەمارۆدەرەکان بۆ کۆتاییهێنان بەم دۆخە مەترسیدارە پێش ئەوەی کارەساتی گەورەتر ڕووبدات.
کۆمێنت (0)
تا ئێستا هیچ کۆمێنتێک نەکراوە.