شارەزایەکی کەشناسی هۆشداری دەداتە هاووڵاتییان كە رەنگە ئەمشەو لە بەشێك لە ناوچەكانی هەرێمی كوردستان تەرزە ببارێت، بۆیە ئامۆژگاری دەكات ئۆتۆمبێل و كەلوپەلەكان داپۆشن.
هەڤاڵ سدیق گەڵۆزی شارەزای کەشناسی ڕایگەیاند: تۆتۆمبێلەکانتان داپۆشن ئەمشەو لە زۆرێک لە ناوچەکانی هەرێم ئەگەری چالاکبوونی هەورەبروسکەی بەهێز هەیە، لە هەندێك شوێن و ناوچە تەرزەی قەبارە بچووک بۆ مامناوەندی لەگەڵدایە.
راشیگەیاند: دەرکەوتنی هەوری ماماتۆس لە سەنتەری پارێزگای سلێمانی بارانبارینی باشی بەدوادادێت و درەنگانی ئەمشەو شەپۆلێکی تری باشی بارانبارین ڕوو لە تەواوی ناوچه جیاوازەکانی هەرێمی کوردستان دەکات.
هەروەها ڕایگەیاند: بەشێکی ناوچەکانی پارێزگای دهۆک و هەولێر و زاخۆ و سۆران و ڕاپەڕین و سلێمانی و کۆیە و دەوروبەری و گەرمیان ناوچەکانی باکوری خۆرهەڵاتی کەرکووک هەورەبروسکەی بەهێز و تاوەبارانی مامناوەند بۆ بارانی بەخوڕی لەگەڵدایە لە بەشێک لەناوچەکانی بادینان و سنووری ئیدارەی سۆران ئەگەری تاوەبارانی بەلێزمە و هەورەبروسکەی بەهێز و تەرزەی لەگەڵدایە.
هەڤاڵ سدیق گەڵۆزی ئاماژەی بەوەش دا: کاریگەری ئەم کەشوهەوا ناسەقامگیرە تاوەکو سبەی ئێوارە بەردەوام دەبێت ناوبەناو بە پچڕپچڕی ئەگەری بارانبارین هەیە، هەروەها لەچیا زۆر بەرزەکان ئەگەری بارینی بەفرێکی کەم هەیە .
کۆمێنت (0)
تا ئێستا هیچ کۆمێنتێک نەکراوە.