هێزەکانی سووریای دیموکرات (هەسەدە) بڵاویان کردەوە، لە گوندەکانی سنووری شاری کۆبانێ توانیویانە بەرپەچی هێرشەکانی سوپای دیمەشق بدەنەوە.
لە ڕاگەیەندراوێکدا هەسەدە ئاماژەی بەوە کردووە، سەرەڕای بوونی ڕێککەوتنی ئاگربەست، ئەمڕۆ چەند جارێک هێزەکانی سوپای دیمەشق هێرشیان کردووەتە سەر ناوچەکانیان و ئەوانیش وەڵامیان داونەتەوە.
بەگوێرەی بڵاوکراوەکە، هێزەکانی سوپای دیمەشق هێرشێکیان لە گوندی (کوڕک) دەستپێکردووە، بەڵام هێزەکانی هەسەدە توانیویانە هێرشەکە تێکبشکێنن و ڕێگری لە پێشڕەوییەکانیان بکەن.
هەروەها ئاماژە بەوە دراوە، سوپای دیمەشق بۆ کۆنترۆڵکردنی کۆبانێ دڕۆن بەکارهێناوە و گوندەکانی "جەلەبیە، خەراب عەشک و زرک"یان لە باشووری ڕۆژهەڵاتی شاری کۆبانێ بۆردومان کردووە.
کۆمێنت (0)
تا ئێستا هیچ کۆمێنتێک نەکراوە.