ئیدارەی فڕۆكەخانەی رۆناڵد ریگان لە واشنتنی پایتەختی ئەمریكا ئەمڕۆ یەكشەممە سەرجەم گەشتە ئاسمانییەكانی هەڵوەشاندەوە بەهۆی خراپی كەشوهەوا و ئەو شەپۆڵە بەفربارینە چڕەی ویلایەتەكەی گرتووەتەوە.
فڕۆكەخانەكە لە راگەیەنراوێكدا بڵاوی كردەوە: كۆمپانیاكانی هێڵی ئاسمانی سەرجەم گەشتە ئاسمانییەكانیان هەڵوەشاندەوە بەهۆی ئەو شەپۆڵە بەفربارینەی ناوچەكەی گرتووەتەوە كە بووەتە هۆی لەكاركەوتنی فڕۆكەخانەكە.
بڵاویشی كردۆتەوە: بەگوێرەی پێشبینییەكان كەشوهەوای ئەمڕۆ بەتەواوی سەخت دەبێت، بۆیە چاوەڕوان دەكرێت تەواوی ئەمڕۆ گەشتە ئاسمانیەكان دابخرێت.
ئیدارەی فڕۆكەخانەی رۆناڵد ریگان هەروەها بڵاوی كردەوە: بەگوێرەی خشتەكان ئەمڕۆ نزیكەی 10 هەزار گەشتی ئاسمانی لە فڕۆكەخانەكە هەڵوەشێنراوەتەوە.
شەپۆڵێكی سەرما و بەفربارینی سەخت تەواوی ئەمریكای گرتووەتەوە و بەهۆیەوە لە 21 ویلایەت حاڵەتی لەناكاو راگەیەنراوە.
کۆمێنت (0)
تا ئێستا هیچ کۆمێنتێک نەکراوە.