بەڕێوەبەرایەتیی پەروەردەی چۆمان ڕایگەیاند، بەهۆی دۆخی کەشوهەوا و لەپێناو پاراستنی سەلامەتیی قوتابیان و مامۆستایان، سبەی پێنجشەممە لە سەرجەم قوتابخانەکانی سنوورەکەیان پشووی فەرمی دەبێت.
بەڕێوەبەرایەتیی پەروەردەی چۆمان لە ڕاگەیەندراوێکدا بڵاویکردەوە، دوای گفتوگۆ و هەماهەنگی لەگەڵ قایمقامی قەزای چۆمان و بەڕێوەبەری گشتیی پەروەردەی سۆران، بڕیار درا سبەی پشوو بێت.
لە ڕاگەیەندراوەکەدا هاتووە: "لەبەر سەلامەتیی گیانی قوتابیان، مامۆستایان و فەرمانبەران، بڕیارمان دا سبەی پێنجشەممە 15ـی کانوونی دووەمی 2026، لە سەرجەم قوتابخانەکانی سنووری پەروەردەکەمان بکرێتە پشوو".
ئەم بڕیارەی پەروەردەی چۆمان بەهۆی ئەو شەپۆلە بەفر و سەرماوە دێت کە ناوچە شاخاوییەکانی گرتووەتەوە و هاتوچۆی قوتابیانی ئەستەم کردووە.
کۆمێنت (0)
تا ئێستا هیچ کۆمێنتێک نەکراوە.