ئەمڕۆ دووشەممە، بەڕێوەبەرایەتی بەرگریی شارستانی دهۆک لە کۆنگرەیەکی ڕۆژنامەوانیدا ئاماری چالاکی و ڕووداوەکانی ساڵی 2025ی خستە ڕوو، کە تێیدا ئاماژە بە کەمبوونەوەی ڕێژەی ڕووداوەکان دەدات بەراورد بە ساڵی ڕابردوو.
گرنگترین زانیارییەکان بە ژمارە:
کۆی ڕووداوەکان: لە ساڵی 2025دا (1418) ڕووداوی جۆراوجۆر تۆمارکراون، لە کاتێکدا لە ساڵی 2024دا زیاتر لە 2000 ڕووداو هەبووە.
زیانە گیانییەکان: (16) کەس گیانیان لەدەستداوە؛ (10) کەسیان بەهۆی سووتان و (6) کەسیان بەهۆی خنکان لە ئاودا.
بریندارەکان: (8) هاوڵاتی بەهۆی ئاگرکەوتنەوە بریندار بوون.
ڕزگارکراوان: تیمەکان توانیویانە (14) کەس لە مەترسی خنکان و ڕووداوی هاتووچۆ ڕزگار بکەن.
زیانی مادی: بڕی (6 ملیار و 591 ملیۆن) دینار زیانی مادی بەر هاوڵاتییان کەوتووە.
ئاماری ئاگرکەوتنەوە:
(408) ئاگرکەوتنەوە لە ناو ماڵ، دوکان، نانەواخانە و تێرمیناڵەکان بووە.
(1010) ئاگرکەوتنەوە لە پووش و پەڵاش و دارستانەکاندا بووە.
لە ساڵی 2025دا هیچ ڕووداوێکی لافاو تۆمار نەکراوە، لە کاتێکدا ساڵی 2024 (1750) ڕووداوی لافاو هەبووە.
تیمەکانی پووچەڵکردنەوە توانیویانە (9) پارچە تەقەمەنی و بۆمبی پاشماوەی شەڕ لابدەن.
پشکنین: زیاتر لە 8200 پشکنینی سەلامەتی بۆ باڵەخانە و شوێنە گشتییەکان ئەنجامدراوە.
بەرگریی شارستانی دهۆک داوا لە هاوڵاتییان دەکات لە وەرزی زستاندا زۆر وریای بەکارهێنانی سۆپای غاز بن و بە هیچ جۆرێک لە کاتی خەوتندا پێی نەکەن، چونکە گازی یەکەم ئۆکسیدی کاربۆن کە بە بکوژی بێدەنگ دەناسرێت، دەبێتە هۆی خنکان و گیانلەدەستدان.
کۆمێنت (0)
تا ئێستا هیچ کۆمێنتێک نەکراوە.