بەڕێوەبەرایەتی هاتوچۆی دهۆک سەرجەم شۆفێران و هاووڵاتییان ئاگادار دەکاتەوە، کە لە ئێستادا بەفربارین لە سنووری "چیای گارە" و ڕێگای "چەمانکێ" دەستی پێکردووە.
بەهۆی بەفربارینەوە ئاستەنگی هاتووچۆ لەو ناوچانە دروستبووە و داوا لە هاووڵاتییان دەکرێت بۆ پاراستنی سەلامەتی خۆیان، سەردانی ئەو ناوچانە نەکەن.
هاتوچۆی دهۆک رایگەیاند: "داواکارین هەمووان پابەندی ڕێنماییەکان بن بۆ دوورکەوتنەوە لە هەر ڕووداوێکی نەخوازراو".
بەڕێوەبەرایەتییەکە داوا لەو شۆفێرانەش دەکات کە لەو ڕێگایانەن یان ناچارن هاتوچۆ بکەن:
١- بە تەواوی پابەندی ڕێنماییەکانی تیمەکانی هاتوچۆ بن.
٢- خێراییەکانیان کەم بکەنەوە و مەودای سەلامەتی نێوان ئۆتۆمبێلەکان بپارێزن.
٣- دڵنیابن لە کارکردنی سیستەمی گەرمکەرەوە و لایتی تەم و برێکی ئۆتۆمبێلەکانیان.
کۆمێنت (0)
تا ئێستا هیچ کۆمێنتێک نەکراوە.