بەڕێوەبەرایەتیی گشتی کەشناسی و بوومەلەرزەزانی هەرێمی کوردستان، پێشبینییەکانی بۆ ڕەوشی کەشوهەوای 48 کاتژمێری داهاتوو ڕاگەیاند، تێیدا ئاماژە بە هاتنی شەپۆلێکی بارانبارین و نزمبوونەوەی پلەی گەرما دەکات.
ڕۆژی هەینی، 9ـی کانوونی دووەم، بەرێوبەرایەتیی کەشناسی و بومەلەرزەزانی ڕایگەیاند: ئاسمان بە گشتی بە هەوری تەواو دەمێنێتەوە. بارانبارین سەرەتا لە ناوچەکانی باکوور و باکووری ڕۆژئاوای هەرێم دەست پێدەکات، پاشان لە کاتەکانی دوای نیوەڕۆدا کاریگەریی ئەم شەپۆلە فراوان دەبێت و زۆربەی ناوچەکان دەگرێتەوە لە هەندێک کات و شوێندا بارانەکە بەشێوەی لێزمە باران دەبێت. هاوکات لە ناوچە سنوورییەکان و لوتکە شاخە بەرزەکان، بەفر دەبارێت. پلەی گەرما بەراورد بە دوێنێ کەمێک نزم دەبێتەوە.
بۆ سبەی شەممە، 10ـی کانوونی دووەم، پێشبینی دەکرێت ئاسمانی هەرێم بە گشتی هەور و سارد بێت نمە باران و بارانی مامناوەند بە پچڕپچڕی لە زۆربەی ناوچەکان بەردەوام دەبێت. کەشناسی ڕایگەیاندووە کە ڕێژەی بارانبارین لە ناوچەکانی ڕۆژهەڵات و باکووری ڕۆژهەڵاتی هەرێم زیاتر دەبێت و لە ناوچە سنوورییەکانیش بەفر دەبارێت پلەی گەرما نزمبوونەوەیەکی بەرچاو بەخۆیەوە دەبینێت و 2 تا 5 پلە بەراورد بە ئەمڕۆ نزمتر دەبێتەوە.
بەرزترین پلەی گەرمای ناوچە جیاوازەکانی کوردستان بۆ ئەمڕۆ و سبەی
| دەڤەرەکان | هەینی | شەممە |
| هەولێر | 16 | 13 |
| سلێمانی | 14 | 10 |
| دهۆک | 14 | 11 |
| کەرکووک | 17 | 14 |
| هەڵەبجە | 13 | 10 |
| سۆران | 9 | 5 |
| گەرمیان | 19 | 16 |
| حاجی ئۆمەران | 6 | 2 |
کۆمێنت (0)
تا ئێستا هیچ کۆمێنتێک نەکراوە.