دوای ئەوەی زنجیرەیەک تەقینەوە پایتەختی ڤەنزوێلایان هەژاند، سەرۆکی ئەو وڵاتە باری لەناکاوی ڕاگەیاند و هێرشەکانی ئەمەریکای بە "دەستدرێژیی سەربازیی زۆر مەترسیدار" ناو برد
حکوومەتی ڤەنزوێلا لە یەکەم کاردانەوەیدا بەرامبەر بۆردوومانەکان، لە بەیاننامەیەکدا ڕایگەیاند، هێرشە ئاسمانییەکانی ئەمریکا 4 ناوچەی وڵاتەکەیانی کردووەتە ئامانج کە یەکێکیان شاری کاراکاسی پایتەختە.
حکوومەتی ئەو وڵاتە بە توندی سەرکۆنەی ئەو هێرشانەی کرد و بە دەستدرێژیی سەربازی وەسفی کردن، جەختیشی کردەوە کە ئامانجی سەرەکیی واشنتۆن لەم هێرشانەدا، دەستبەسەرداگرتنی سامانە سرووشتییەکانی وڵاتەکەیە، بەتایبەتی نەوت و کانزاکان.
هەروەها ئاماژە بەوەش کراوە، نیکۆلاس مادۆرۆ، سەرۆکی ڤەنزوێلا باری لەناکاوی لە سەرتاسەری وڵات ڕاگەیاندووە.
لە کۆتایی بەیاننامەکەدا، حکوومەتی ڤەنزوێلا داوای لە سەرجەم هێزە کۆمەڵایەتی و سیاسییەکان کردووە کە پلانی کۆکردنەوە و ئامادەباشی چالاک بکەن بۆ ڕووبەڕووبوونەوەی هەر ئەگەرێک.
کۆمێنت (0)
تا ئێستا هیچ کۆمێنتێک نەکراوە.