بەڕێوەبەرایەتی گشتیی كەشناسی و بوومەلەرزەزانی ئاشكرای دەكات كە ئێوارەی سبەی هەینی شەپۆڵی بەفر و بارانبارین لە ناوچەكانی هەرێمی كوردستان كۆتایی دێت.
كەشناسی رایگەیاند: ئەمشەو شەپۆڵی بەفربارین لە سەرجەم ناوچە شاخاوییەکان بەردەوام بێت، هەروەها ئەو ناوچانەی کە نزیکن لە ناوچە شاخاوییەکان لەوێش بەفر دەبارێت.
راشیگەیاند: لەو ناوچانەی بارانیش دەبارێت، شەپۆڵی بارانبارینەكە بەردەوام دەبێت تاكو سبەی هەینی، بەڵام لە كاتەكانی نیوەڕۆی سبەی بارانبارین لە هەولێر و دهۆک و ناوچە شاخاوییەکانیان لاواز دەبێت.
كەشناسی هەروەها رایگەیاند: بارانبارین سبەی ئێوارە لە ڕۆژهەڵاتی هەرێمی كوردستانیش كۆتایی دێت و کاریگەریی شەپۆڵەكە بەیەكجاری تەواو دەبێت.
سەبارەت بە پلەكانی گەرماش، كەشناسی ئاماژەی بەوە دا: ئەمشەو ناوچە شاخاوییەکان چەندین پلە لەژێر سفری سیلیزییەوەیە دەبن، لە سەنتەری شارەکانیش نزیک دەبێتەوە لە سفری سیلیزی.
کۆمێنت (0)
تا ئێستا هیچ کۆمێنتێک نەکراوە.