پارێزگای هەولێر لە هۆشدارییەكدا داوا لە هاووڵاتییان دەكات تا دەكرێت رێگەكانی دەرەوە بەكارنەهێنن، چونكە سەرجەمیان بووەتە بەستەڵەك و بەستوویەتی.
پارێزگای هەولێر لە هۆشدارییەكدا رایدەگەیەنێت "دوای نیوەڕۆی ئەمڕۆ چوارشەممە شەپۆڵی سێیەمی بەفربارین لە هەرێمی كوردستان دەست پێ دەکات".
راشیگەیاند "داواکارین لە هەموو خەڵک لەبەربوونی بەستەڵەک و بەستان رێگەكانی دەرەوە بەکارنەهێنن، بەتایبەتی بارهەڵگرە بازرگانەکان ئەگەر زۆر پێویست نەکا با خۆیان لەو ڕێگەیانە نەدەن".
پارێزگای هەولێر بەتایبەتیش ناوی رێگەی سەرەکی گۆمەسپان – سماقووڵی دەهێنێت کە پلەی گەرمی تێیدا زۆر دادەبەزێت بۆ خوار سفڕی سیلیزی.
بۆ ئەم مەبەستە داوا لە هاووڵاتییانی پارێزگای هەولێر دەكات ئەگەر ئۆتۆمبێلەکانیان دەبل ئەکسل نەبن و هەروەها زنجیر لە تایەكانیان نەدرابێت، ئەو رێگەیانە بەكارنەهێنن.
بەهەمانشێوە داوی لە گەشتیاران كرد یارمەتی تیمەکان بدەن بۆ خاوێنکردنەوە و ڕاماڵینی بەفر لەسەر رێگەکان.
کۆمێنت (0)
تا ئێستا هیچ کۆمێنتێک نەکراوە.