شارەزایەكی كەشناسی پێبشبینی كردووە لە چەند رۆژی داهاتوودا بەفر لە سەنتەری شارەكانی هەولێر و دهۆك و زاخۆ و مووسڵ ببارێت.
هەڤاڵ سدیق گەڵۆزی شارەزای كەشناسی رایدەگەیەنێت "پێشبینی دەكرێت ئەو بارسته هەوایە ساردە کە سەرچاوەکەی لە سیبیریاوه هاتووە، لە رۆژانی داهاتوودا زیاتر شۆڕببێتەوە بۆ ناوچە نزمایی و دەشتاییەکانی هەرێمی کوردستان".
هەروەها رایدەگەیەنێت "پێشبینی دەكرێت لە کۆتا ڕۆژی ساڵی 2025 سەنتەری شارەكانی هەولێر و دهۆک و زاخۆ و مووسڵ بەفربارین بیانگرێتەوە".
راشیدەگەیەنێت "بەفربارینەكە هەروەها بەشێك لە سنوورەكانی پارێزگای سلێمانی و كەركووك و ئیدارەی سۆران و راپەڕین و گەرمیانیش دەگرێتەوە".
شارەزاكەی كەشناسی ئاماژەی بەوەشداوە "لە هەندێك شوێن و ناوچە ئەگەر هەیە ئەو بەفربارینە بە تێکەڵی لەگەڵ باران ببارێت".
کۆمێنت (0)
تا ئێستا هیچ کۆمێنتێک نەکراوە.