ئەمڕۆ دووشەممە 240 خێزانی دیكەی چەكدارانی داعش لە كەمپی هۆل لە سنووری پارێزگای حەسەكەی سووریا، گەڕێنرانەوە عێراق.
بەڕێوەبەرایەتی خۆسەر لە باكور و رۆژهەڵاتی سووریا رایگەیاند: ئەمڕۆ 31ـەمین وەجبەی خێزان و ماڵباتی چەكدارانی داعش لە كەمپی هۆل گەڕێنرانەوە عێراق.
وەجبەكە پێكهاتبوو لە 240 خێزان كە كۆی گشتی 858 كەس بوو و زۆرینەیان ئافرەت و منداڵ بوون.
گەڕانەوەی ئەم خێزانانەی داعش لەژێر چاودێری راستەوخۆی هەردوو لیژنەی ئەمنی و كۆچ و كۆچبەرانی ئەنجوومەنی نوێنەرانی عێراق بووە كە لە رێگەی هێزێكی زۆری ئەمنی لەسەر سنوور گەڕێنراونەتەوە خاكی عێراق.
کۆمێنت (0)
تا ئێستا هیچ کۆمێنتێک نەکراوە.