وەزارەتی کارەبای حکوومەتی هەرێمی کوردستان لە ڕاگەیاندراوێکدا وردەکاریی دۆخی کارەبا و هۆکاری کەمبوونەوەی بەرهەمهێنانی ئاشکرا کرد و پەیامێک ئاڕاستەی هاووڵاتییان دەکات.
وەزارەتی کارەبا ڕایگەیاند، دۆخەکە بەهۆی "هێرشێکی تیرۆریستی"ـەوە دروستبووە کە کراوەتە سەر ژێرخانی وزە و هاووڵاتییانی هەرێم.
لە ئێستادا وەزارەتی کارەبا بە هەماهەنگی لەگەڵ هەریەک لە وەزارەتی سامانە سروشتییەکان، هێزە ئەمنییەکان و کۆمپانیای دانا غاز، هەوڵەکانیان چڕکردووەتەوە بۆ ئاساییکردنەوەی ئاستی بەرهەمهێنان.
دڵنیایی دەدەن کە بەزووترین کات کارەبا دەگەڕێننەوە بۆ سەرجەم ماڵان، فرۆشتگا و کارگەکان.
وەزارەتەکە سوپاسی "ئارامی و خۆڕاگریی" هاووڵاتییان دەکات لەم کاتە سەختەدا و جەخت دەکاتەوە کە ئامانجی سەرەکییان سەلامەتی و ئاسوودەیی خەڵکە.
وەزارەتی کارەبا ئاماژەی بەوەشکردووە، لە حاڵەتی هەر پێشهاتێکی نوێدا، بەزووترین کات زانیارییەکان بۆ رای گشتی بڵاودەکەنەوە.
کۆمێنت (0)
تا ئێستا هیچ کۆمێنتێک نەکراوە.