یەکێتیی زانایانی ئایینی ئیسلامی کوردستان هێرشەکەی سەر کێڵگەی کۆرمۆری ئیدانە کرد و بە کردەوەیەکی تیرۆریستی و دوژمنکارانە و نامرۆڤانەی ناو برد.
ئەمڕۆ پێنجشەممە 27ـی تشرینی دووەمی 2025، یەکێتیی زانایانی ئایینی ئیسلامی کوردستان لە بەیننامەیەکدا ڕایگەیاند: "ئەم هێڕشەی شەوی رابردووی سەر کێڵگەی گازی کۆرمۆر، وێڕای ئەوەی کردەیەکی تیرۆرستی دوژمنکارانەو نامرۆڤانەیە، لەهەمان کات تێکدانی ئارامی شادەماری ژێرخانی ئابووری و فشار و بەربەست دروستکردنە لەبەردەم پێشکەوتنەکانی کوردستان".
لە بەیاننامەکەدا هاتووە: "بەپێی ئایینی ئیسلام زیانگەیاندن بە ژیانی خەڵک و بەرژەوەندی گشتی و شێواندنی سامانی نیشتمانی و گوزەرانی هاوڵاتیان، تاوانێکی گەورەو کارێکی حەرامە.."
یەکێتی زانایانی ئایینی ئیسلامی کوردستان جەختی کردووەتەوە "بەتوندی ئیدانەی ئەو کردە تێکدەرانەیە دەکەین، کە دوورە لە هەموو بەهاو رەوشتیکی ئینسانی و تکامان وایە دەستی پشت ئەم کارە و بکەرانی ئەم کردە تیرۆرستییە، بدرێنە دادگاو لێپێچینەوەی توندیان لەگەڵ بکرێت و سزا بدرێن".
کۆمێنت (0)
تا ئێستا هیچ کۆمێنتێک نەکراوە.