فەرمانگەی میدیا و زانیاریی حکوومەتی هەرێمی کوردستان، وەشانێكی دیجیتاڵیی "ئەلبوومی وێنەی پڕۆژە ستراتیژییەکانی كابینەی نۆ"ی بڵاو کردەوە.
ڕپۆژی چوارشەممە 26ـی تشرینی دووەمی 2025، فەرمانگەی میدیا و زانیاری، لە هەنگاوێکدا بۆ بە بەڵگەنامەکردنی دەستکەوتەکان، وەشانێکی دیجیتاڵیی نوێی ئەلبۆم بە ناونیشانی "دیدگا لە کرداردا: پڕۆژە ستراتیژییەکانی کابینەی نۆیەمی حکومەتی هەرێمی کوردستان"ـی بڵاو کردەوە.
ئەم ئەلبوومە تیشک دەخاتە سەر پڕۆژە ستراتیجییەکانی كابینەی نۆیەمی حکوومەتی ھەرێمی کوردستان، هەروەها خستنەڕووی ئەو هەوڵە گرنگانەیە، کە بۆ خزمەتکردنی هاووڵاتییان و پێشخستنی هەرێم لە ماوەی کابینەی نۆیەم دا ئەنجام دراون.
فەرمانگەی میدیا و زانیاری ڕایگەیاندووە: "ئەلبوومەكە ئاماژەیە بۆ ھەوڵە بەردەوام و ڕژدەكانی مەسرور بارزانی، سەرۆکی حکوومەت و کابینەی نۆ، بۆ فرەچەشنكردنی سەرچاوەكانی داهات، گەشەپێدان و بەرەوپێشبردنی تەواوی کەرتە جیاوازەکان. هەروەها بەڵگەیە بۆ دیدگای پێشکەوتنخوازی کابینەی نۆیەم و پابەندبوونی بە بنیاتنانی ژێرخانێکی بەهێز بۆ نەوەکانی داهاتوو".
کۆمێنت (0)
تا ئێستا هیچ کۆمێنتێک نەکراوە.