عوسمان بایدەمیر ئەندامی پێشووی پەرلەمانی تورکیا ڕایگەیاند مۆدێلی هەرێمی کوردستان دەتوانێ ببێتە مۆدێلێکی سەرکەوتوو بۆ ئاشتی لە باکوور و ڕۆژئاوای کوردستان و هەولێر دەتوانێ ببێتە پرد لە نێوان قامیشلۆ و ئانکارادا.
ڕۆژی چوارشەممە 19ـی تشرینی دووەم، عوسمان بایدەمیر لە وتارێکدا لە کۆنفڕانسی ئاشتی و ئاسایشی ڕۆژهەڵاتی ناوەڕاست (مێپس) داوای لە حزب و لایەنەکانی هەرێمی کوردستان کرد ڕێککەوتنی نەتەوەیی لە ناو خۆیاندا پتەوتر بکەن و هەرچی زووتر حکوومەت پێک بێنن بۆ ئەوەی ببنە گەورەترین پشتگیری بۆ ڕۆژئاوای کوردستان.
بایدەمیر جەختی کردەوە هەولێر دەتوانێ ببێتە ژنێڤی ڕۆژهەڵاتی ناوەڕاست و مۆدێلێکی سەرکەوتوو بۆ باکوور و ڕۆژهەڵاتی کوردستان. هەروەها هەولێر دەتوانێ ببێتە پرد لە نێوان قامیشلۆ و ئانکارادا.
عوسمان بایدەمیر گوتیشی زۆر خۆشحاڵم بەو ئەو ڕێککەوتنەی لە 26ی نیسان ڕۆژئاوای کوردستان پێک هات و سوپاسی سەرۆک بارزانی دەکەم کە دەزانم ڕۆڵێکی زۆر گرنگی لەو سەرکەوتنەدا گێڕا.
کۆمێنت (0)
تا ئێستا هیچ کۆمێنتێک نەکراوە.