بەڕێوەبەرایەتیی کەشناسیی و بومەلەرزەزانیی هەرێمی کوردستان پێشبینیکانی بۆ کەشوهەوای 48 کاتژمێری داهاتوو خستەڕوو و دەڵێت، کاریگەری ئەم شەپۆلى باران بارینەى ڕووى لە ناوچەکەمان کردووە بۆ ئەمڕۆش بەردەوامى دەبێت.
ڕۆژی یەکشەممە، 16ـی تشرینی دووەم، بەڕێوەبەرایتی کەشناسیی و بومەلەرزەزانیی هەرێمی کوردستان ڕایگەیاند: بارانبارین بەردەوام دەبێت بە شێوەیەک لە هەندێک ناوچە بە پچڕ پچڕی دەبێت و لە هەندێک ناوچەش ئاستی دابارین زیاتر دەبێت ئەگەری هەورە تریشقەش هەیە، لە شەودا کاریگەری ئەم شەپۆلە کۆتایی دێت لەسەر ناوەچەکەمان.
لە ڕاگەیەندراوەکەدا هاتووە: پلەکانی گەرما بەگشتی نزم دەبێتەوە بە1-2 پلە، لە ناوچە شاخاویەکان 2-3 پلە بەراورد بە تۆمارکراوەکانی دوێنێ.
پێشبینیش دەکات ڕۆژی دووشەممە، 17ـی تشرینی دووەم، لە بەرەبەیان ئەگەرى دروست بوونى تەم هەیە لەسەر زۆربەى ناوچە شاخاوییەکان، پاشان ئاسمان دەگۆڕێت بۆ ساماڵ و پەڵە هەور، پلەی گەرما نزیک دەبێتەوە لە تۆمارکراوەکانی ئەمڕۆ.
بەرزترین پلەی گەرمای پێشبینیکراو بۆ ڕۆژی یەکشەممە، 16ـی تشرینی دووەم.
هەولێر: 21 پلەی سیلیزی
سلێمانی: 17 پلەی سیلیزی
دهۆک: 17 پلەی سیلیزی
زاخۆ: 17 پلەی سیلیزی
کەرکووک: 20 پلەی سیلیزی
هەڵەبجە: 19 پلەی سیلیزی
سۆران: 18 پلەی سیلیزی
حاجی ئۆمەران: 9 پلەی سیلیزی
گەرمیان: 22 پلەی سیلیزی
کۆمێنت (0)
تا ئێستا هیچ کۆمێنتێک نەکراوە.