کەشناسیی هەرێم: بارانبارین و بەفر لە لووتکەی شاخەکان بەردەوام دەبێت

بەڕێوەبەرایەتیی کەشناسی ڕایگەیاند، کەشی 48 کاتژمێری داهاتوو لە زۆربەی ناوچەکان نیمچە هەور و هەوری باراناوی دەبێت. پێشبینی دەکرێت لە ناوچە شاخاوییە سنوورییەکان بەفرێکی کەم ببارێت و پلەکانی گەرما بەراورد بە دوێنێ کەمێک بەرزتر ببنەوە.

بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان، کەش و هەوای 48 کاتژمێری داهاتووی ڕاگەیاند.

ئەمڕۆ شەممە 15ـی تشرینی دووەمی 2025:

ئاسمان نیمچە هەور و هەوری باراناوی دەبێت، لە زۆربەی ناوچەکان بارانبارین لەسەرەخۆ و بۆ مامناوەند دەبێت و خێرایی با لەگەڵیدا چالاک دەبێت. دوای نیوەڕۆ هەندێک شوێن بارانی بە لێزمە و هەورە تریشقەی دەبێت. پێشبینی بارینی بەفرێکی کەم هەیە لە ناوچە شاخاوییە سنوورییەکان. پلەی گەرمی کەمێک بەرزتر دەبێتەوە بەراورد بە تۆمارکراوەکانی دوێنێ.

سبەی یەکشەممە 16ـی تشرینی دووەمی 2025:

ئاسمان هەوری باراناوی دەبێت لە زۆربەی ناوچەکان، بارانبارین لەسەرەخۆ و بۆ مامناوەند دەبێت و لە هەندێک کات و شوێن بارانی بە لێزمە و هەورە تریشقەی دەبێت.

پلەکانی گەرما بەگشتی نزیک دەبێتەوە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 20
سلێمانی: 19
دهۆک: 18
زاخۆ: 19
کەرکووک:  21
هەڵەبجە: 20
سۆران: 17
حاجی ئۆمەران: 7
گەرمیان: 22