شه‌پۆلێكی بارانبارین و هەورەتریشقە هه‌رێمی كوردستان ده‌گرێته‌وه‌

بەگوێرەی پێشبینییەکانی بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، شەپۆلێکی بارانبارین و هەورەتریشقە هەرێمی کوردستان دەگرێتەوە.

ئه‌مڕۆ پێنجشه‌ممه‌، بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان بڵاویكردووه‌ته‌وه‌، شەپۆلی بارانبارینەکە لە شەوی شەممە، ڕێکەوتی 2025/11/14 دەست پێدەکات و تاکوو ڕۆژی دووشەممە، ڕێکەوتی 2025/11/16 بەردەوام دەبێت.  

بەڕێوەبەرایەتیی گشتیی کەشناسی و بوومەلەرزەزانیی ئاماژە بەوەش دەدات، شەپۆلەکە سەرەتا بە نمەباران دەست پێدەکات، دواتر کاریگەریی زیاد دەبێت، بەجۆرێک هەندێکجار هەورەتریشقە و بارانی لەگەڵدا دەبێت.  

ئه‌وه‌ش خراوه‌ته‌ڕوو: ئەگەری بڕێکی کەم لە بەفربارین لە ناوچە شاخاوییەکانیش هەیە.

ئه‌وه‌ش هاتووه‌: هەروەها بڕی بارانبارین بەگوێرەی پارێزگا و ئیدارە سەربەخۆکان جیاواز ده‌بێت بەم شێوەیەی خوارەوە:

- هەولێر 25 - 30 ملم

- سلێمانی 35 - 40 ملم

- دهۆک 40 - 50 ملم

- کەرکووک 50 - 55 ملم

- هەڵەبجە 15 - 20 ملم

- گەرمیان 30 - 40 ملم

- زاخۆ 60 - 70 ملم

- سۆران 50 - 60 ملم

- ڕاپەڕین 60 - 70 ملم