یەکێتیی قوتابییان و لاوانی دیموکراتی کوردستان لە بەیاننامەیەکدا دەڵێ شەوی ڕابردوو هێزێکی ئەمنیی یەکێتیی نیشتمانیی کوردستان ئامانج عەبدوڵلا کادری ئەو ڕێکخراوەیان ڕفاندووە و تا ئێستا چارەنووسی نادیارە.
ئەمڕۆ چوارشەممە 12ـی تشترینی دووەمی 2025، مەکتەبی سکرتارییەتی یەکێتیی قوتابیان و لاوانی پارتی دیموکراتی کوردستان لە بەیاننامەیەکدا ڕایگەیاند: "بە داخەوە ئەمشەو کاتژمێر 12:20، لە گەڕەکی بەکرەجۆی شاری سلێمانی، هێزێکی ئەمنی بە ناوی ئاسایشی یەکێتیی نیشتمانیی کوردستانەوە، بە شێوەیەکی زۆر ناشیرین و بەبێ بڕیاری دادوەر و بە شێوەیەکی بەڵتەچییانە، لە کاتی گەڕانەوە هەڤاڵ "ئامانج عەبدوڵڵا" کادری یەکێتییەکەمان بۆ ماڵەوە، لە ڕێگادا دەیڕفێنن و تا ئێستا چارەنووسی نادیارە".
مەکتەبی سکرتارییەتی قوتابییان و لاوانی دیموکراتی کوردستان جەختی کردووەتەوە "سەلامەتیی گیانی ئامانج عەبدوڵڵا لە ئەستۆی هێزە ئەمنییەکانی یەکێتیی نیشتمانیی کوردستانە" و دواشی کردووە "بە زووترین کات چارەنووسی دیاری بکرێت و ئازاد بکرێت". جەختیشی کردووەتەوە بە پێچەوانەوە هەموو ڕێکارێکی مەدەنی و ئەوەی پێویست بێت دەگرنە بەر.
کۆمێنت (0)
تا ئێستا هیچ کۆمێنتێک نەکراوە.