جێگری سەرۆكی پارتی دیموكراتی كوردستان بەبۆنەی سەركەوتنی گەورە لە هەڵبژاردن، پیرۆزبایی لە سەرۆك بارزانی و نێچیرڤان بارزانی و ئەندام و لایەنگرانی پارتی و هەموو خەڵكی كوردستان دەكات.
مەسرور بارزانی جێگری سەرۆكی پارتی دیموكراتی كوردستان لە پەیامەكەدا هەروەها رایدەگەیەنێت: ئەم سەركەوتنە گەورەیە وامان لێ دەكات بە گوڕ و تینێكی زیاتر لە خزمەت هەموو كوردستانیان بەردەوام بین.
دەقی پەیامەكەی مەسرور بارزانی جێگری سەرۆكی پارتی دیموكراتی كوردستان:-
سوپاس بۆ خودای گەورە و بە هەڵوێست و ویستی هاووڵاتییانی بە ئەمەکی کوردستان و ئەندامانی پارتی، دەنگەکانی پارتی دیموکراتی کوردستان لە یەک ملیون دەنگ تێپەری و لە ئەنجامی کۆتایی زیاتریش دەبن.
پیرۆزبایی لە سەرۆک و ڕابەری گەلەکەمان جەنابی سەروک بارزانی دەکەم.
پیرۆزبایی لە برای بەڕێز و خۆشەویستم کاک نێچیرڤان دەکەم کە تەحەدای یەک ملیۆنی ڕاگەیاند.
سوپاس و دەستخۆشی لە هەموو سەرکردایەتی و ئەندام و لایەنگرانی پارتی دەکەم.
پیرۆزبایی لە هەموو خەڵکی کوردستان دەکەم.
ئەم سەرکەوتنە گەورەیە لە پرۆسەی دیموکراسی و هەمو خەڵکی عێراق پیرۆز بێت.
بە گوڕ و تینێکی زیاتر لە خزمەتی هەموو کوردستانیان و نیشتمانمان بەردەوام دەبین.
بەرەو وڵاتێکی سەقامگیرتر و ئاوەدانتر.
کۆمێنت (0)
تا ئێستا هیچ کۆمێنتێک نەکراوە.