ئهمرۆ سێشهممه، موحسین نەغەوی وەزیری ناوخۆی پاکستان رایگەیاند، لە ئەنجامی تەقینەوەیەکی خۆکوژی لە دەرەوەی بینای دادگا لە ناوچەیەکی نیشتەجێبوونی شاری ئیسلام ئاباد، 12 کەس کوژران و 27 کەسی دیکەش برینداربوون.
موحسین نەغەوی وەزیری ناوخۆ لە شوێنی ڕووداوەکە بە رۆژنامەنووسانی راگەیاند، له ئهنجامی هێرشێکی خۆکوژی لە شاری کشهری کە باڵهخانهی دادگای لێیە و ناوچهیهكی فراوانی نیشتهجێبوونی خهڵكه روویدا و تا ئێستا 12 کەس كوژراون و نزیکەی 27 کەسیش برینداربوون.
ئاماژەی بەوەشکرد، "هەوڵدەدەین ناسنامەی خۆكوژهكه و شوێنی ژیانی بدۆزینهوه و لێكۆلینهوهكان لهو بارهوه دهستی پێكردووه.
ئاماژەی بەوەشکرد، به گوێرهی زانیارییهكان كه له كامێرای چاودێری شوێنهكه دهستكهوتووه، هێرشبەرەکە بۆ ماوەیەک لە دەرەوەی کۆمەڵگەی دادگاکە چاوەڕێی کردووە پێش ئەوەی ئامێرە تەقەمەنیەکەی لە نزیک ئۆتۆمبێلێکی پۆلیس بتەقێنێتەوە.
شایەتحاڵەکان كه ئاگاداری رووداوهكه بوونه دیمەنی ترس و دڵەڕاوکێیان باس کردووە کە دوای تەقینەوەکە ناوچەکەی گرتووەتەوە و بەهۆیەوە زیان بە ژمارەیەک ئۆتۆمبێل کەوتووە و خەڵکی ناوچهكهش هەڵاتوون.
کۆمێنت (0)
تا ئێستا هیچ کۆمێنتێک نەکراوە.