گوتەبێژی مەکتەبی ڕێکخستنی پارێزگای کەرکووک – گەرمیان سەبارەت بە کاردانەوەی لایەنە سیاسییەکان لەسەر گوتەکانی مەسرور بارزانی جێگری سەرۆکی پارتی، روونكردنەوەیەك بڵاو دەكاتەوە.
ئەمەی خوارەوە دەقی روونكردنەوەكەی گوتەبێژی مەکتەبی ڕێکخستنی پارێزگای کەرکووک – گەرمیانە:
1ـ ئێمە لە مەکتەبی ڕێکخستنی پارێزگای کەرکووک - گەرمیان پاڵپشتی تەواوی وتە بەنرخەکانی بەڕێزیان دەکەین، وتەکانی بەڕێزیان لەسەر کەرکووک بابەتی هەڵبژاردن نییە، بەڵکو تەعبیر لە جەوهەری سیاسەتی پارتییە بۆ کەرکووک و جێبەجێکردنی ماددەی 140ـی دەستوور تاکە چارەسەرە، بۆ جێبەجێکردنی و بەڕێزیان جەختی کردەوە کە دەبێت دەستوور وەکو خۆی جێبەجێ بکرێت.
2ـ پاڵپشتی ئەوە دەکەین کە بەڕێزیان داوای لەخەڵکی کوردستان و کەرکووک کرد، متمانە بکەن بە پارتی دیموکراتی کوردستان و دەنگ بە لیستی 275 بدەن بۆ ئەوەی ئەزموونی سەرکەوتووی حکومڕانی بگوازینەوە بۆ کەرکووک و کەرکووک بکەینە شاری ئاوەدانی و خزمەتگوزاری و پێکەوە ژیانی هەموو پێکهاتەکان.
3- کەرکووک داگیرکراوە..؟
ئێمەش ئەو پرسیارە لە خەڵکی کەرکووک دەکەین ئایە کەرکووک نەبۆتە سەربازگە و هەموو دەسەڵات لای عەسکەر نییە؟ ڕۆژانە بەبەرچاوی هەمووان غەدر و زوڵم و تەعەدا لە جووتیارانی کورد دەکرێت بەهەمەری سەربازی و پاڵپشتی سوپا لە ناوچەکانی سەرگەڕان و دووبز و داقووق و تۆبزاوە و ناوچەی کاکەیی.
4- پارتی دیموکراتی کوردستان گەورەترین حیزبی کوردستانی عێراقە و تەمەنی 79 ساڵە و لە عێراق و کوردستان ڕێگای پێدراوە مومارەسەی کاری سیاسی خۆی بکات و ئۆرگانەکانمان و هەر لە کەرکووک بوون و دوای گەڕانەوەی بارەگاکانمان ئێستاش بەشێک لەو بارەگایانە داگیرکراوە و هەڤاڵانمان لە خانووی کرێ مومارەسەری حیزبی خۆیان دەکەن.
بژی ڕووحی پێکەوە ژیانی هەموو پێکهاتەکان.
لقمان حوسێن
27ـی ئۆکتۆبەری 2025
کۆمێنت (0)
تا ئێستا هیچ کۆمێنتێک نەکراوە.