باڵیۆزی عێراق لە لیبیا ئەمڕۆ سێشەممە گیانلەدەستدانی هاووڵاتییەكی كوردی لە یەكێك لە گرتووخانەكانی وڵاتی لیبیا راگەیاند.
ئەحمەد سەحاف باڵیۆزی عێراق لە لیبیا رایگەیاند: لایەنە پەیوەندارەكان لە لیبیا ئاگاداریان كردینەوە لە گیانلەدەستدانی هاووڵاتییەكی عێراقی لە یەكێك لە ناوەندەكانی راگرتن لە وڵاتی لیبیا.
راشیگەیاند: ئەو كەسەی گیانی لەدەستداوە ناوی (هۆگر ئاسۆ خدر)ـە و بەهۆی تووشبوونی بە جەڵتەی دڵ لە ناوەندی راگرتنەكە گیانی لەدەستداوە.
باڵیۆزخانەی عێراق لە تەرابلوس پێشتر رایگەیاندبوو كە رێكارەكانی گەڕانەوەی 41 پەنابەری عێراقی تەواو كردووە كە بەشێوەیەكی نایاسایی هاتبوونە نێو خاكی لیبیاوە.
باڵیۆزخانەكە ئاماژەی بەوەشدابوو كە بە هاوكاری حكوومەتی هەرێمی كوردستان، پلیتی فڕۆكەی بۆ گەڕانەوەی ئەو پەنابەرانە دابینكردووە.
کۆمێنت (0)
تا ئێستا هیچ کۆمێنتێک نەکراوە.