بەڕێوەبەرایەتی ڕێكخستنی پسوولەی خۆراكی هەولێر ئاگادارییەك بۆ هەموو ئەو خێزانانە بڵاو دەكاتەوە كە پسوولەی خۆراكەكانیان بلۆك كرابوو، داویان لێ دەكات سەردانی بەڕێوەبەرایەتییەكەیان نەكەن.
بەڕێوەبەرایەتییەكە لە ئاگادارییەكەدا دەڵێت: ئاگاداری هاووڵاتییان دەکەینەوە ئەوانەی کە پسوولەی خۆراکیان بلۆک کرابوو و هەروەها مامەڵەی هەڵگرتنی بلۆکی ئەندامانی خێزانیان پێشکەش بە بەڕێوەبەرایەتیەکەمان کرد بوو، پێویست ناکات سەردانی بەڕێوەبەرایەتییەکەمان بکەن.
دەشڵێت: ئەو خێزانانە ڕاستەوخۆ لە رێگەی تۆڕی پەیوەندیی واتسئاپ نامەیان بۆ دێت ئینجا دەتوانن لەڕێی ئەپلیکەیشنەکەوە خۆیان ئەپدەیت بکەن بەبێ گەڕانەوە بۆ بەڕێوەبەرایەتییەکەمان.
لە ماوەی رابردوودا زۆرێك لە خێزان و هاووڵاتییان لە كاتی تۆماركردنی مامەڵەی بە ئەلیكترۆنیكردنی پسوولەی خۆراك، مامەڵەكانیان بلۆك كرابوو و ناویان نەگەڕابووەوە.
کۆمێنت (0)
تا ئێستا هیچ کۆمێنتێک نەکراوە.