دادگای شاری قومی ئێران ئەمڕۆ یەكشەممە جێبەجێكردنی سزای لەسێدارەدانی بۆ كەسێك راگەیاند و ئاماژەی بەوە دا كە ئەو كەسە كاری سیخوڕی بۆ دەزگای مۆسادی ئیسرائیلی كردووە.
سەرۆكی دادگای شاری قوم ئەمڕۆ یەكشەممە لە كۆنگرەیەكی رۆژنامەوانیدا رایگەیاند: شەوی رابردوو سزای لەسێدارەدانمان بەسەر سیخوڕێكی ئیسرائیلی جێبەجێ كرد.
راشیگەیاند: ئەم كەسە پێشتر كۆبوونەوەی لەگەڵ ئەفسەرانی دەزگای مۆساد كردووە و لە ماوەی رابردووشدا هاوكاری كردوون و لە رێگەی ئامێرە تایبەتەكانەوە چەندین زانیاری وردی هەواڵگری لەناوخۆی ئێرانەوە بۆ ناردوون.
سەرۆكی دادگای شاری قوم ئاماژەی بەوەش دا كە كەسەكە لە رێگەی دەزگا هەواڵگرییەكانی ئێران ئاشكرا كراوە و لە دادگاش سزای لەسێدارەدانی بەسەردا سەپێنراوە.
کۆمێنت (0)
تا ئێستا هیچ کۆمێنتێک نەکراوە.