سەرۆكی ئەمریكا بەفەرمی كۆتاییهێنانی شەڕی غەززەی راگەیاند و جەختی كردەوە كە ئەو رێككەوتننامەیەی ئەمڕۆ بۆ هێنانەدی ئاشتی لە رۆژهەڵاتی ناوەڕاست لە شەرم ئەلشێخ واژۆ كرا مێژوویی بوو.
دۆناڵد ترەمپ سەرۆكی ئەمریكا ئەمڕۆ دووشەممە لە گوتەیەكدا لە دوای ئەنجامدانی كۆبوونەوەی لووتكەی شەرم ئەلشێخ سەبارەت بە غەززە رایگەیاند: ئەو رێككەوتنەی ئەمڕۆ واژۆی لەسەر كرا مێژوویی بوو، هەموومان بەیەكەوە كارێكمان كرد كە پێشتر بە مەحاڵ دادەنرا كە هێنانەكایەی ئاشتی بوو لە رۆژهەڵاتی ناوەڕاستدا.
ترەمپ راشیگەیاند: شەڕ لە غەززە كۆتایی هات و گەیشتنی هاوكارییەكان دەستیان پێ كرد، بەڵام دان بەوەش دادەنێین كە ئاوەدانكردنەوەی كەرتی غەزە كارێكی زەحمەت و ئاڵۆزە.
سەرۆكی ئەمریكا هەروەها سوپاسی وڵاتانی عەرەبی و ئیسلامی كرد كە هاوكار بوون بۆ بەئەنجام گەیاندنی ئاشتی، بەتایبەت میری وڵاتی قەتەڕ.
ئێوارەی ئەمڕۆ دووشەممە كۆبوونەوەی لووتكەی شەرم ئەلشێخ لە وڵاتی میسڕ بەرێوەچوو بە ئامادەبوونی سەرۆكی ئەمریكا و سەرۆك و سەركردەی بەشێك لە وڵاتانی عەرەبی و ئیسلامی، لەنێویاندا محەمەد شیاع سوودانی سەرۆك وەزیرانی عێراق بەشداری كۆبوونەوەكە بوو.
کۆمێنت (0)
تا ئێستا هیچ کۆمێنتێک نەکراوە.