پارێزگای هەولێر: پڕۆژەی ئاوی گردەچاڵ – كۆڕێ دەستی پێ کرد

پارێزگای هەولێر ڕایگەیاند پڕۆژەی ئاوی گردەچاڵ – کۆڕێ لە چوارچێوەی پڕۆژە خزمەتگوزارییەكانی پارێزگای هەولێر، دەستی پێ کرد.

ڕۆژی دووشەممە، 13ـی تشرینی یەکەم، پاریزگای هەولێر ڕایگەیاند: لە چوارچێوەی پڕۆژە خزمەتگوزارییەكان و گەیاندنی  دەستی ئاوەدانی بە ناوچە جیاجیاكانی سنووری پارێزگای هەولێر، لە سەر بودجەی پارێزگا، دەست كرا بە جێبەجێکردنی پڕۆژەی ئاوی گردەچال - کۆڕێ   لەلایەن تیمەكانی ئەندازیاری بەڕێوەبەرایەتیی ئاوی دەوروبەری هەولێر.

بە پێی  ڕاگەیندراوەکەی پارێزگای هەولێر، پڕۆژەكە پێكهاتووە لە:

 - دابینکردن و بەستنی بۆڕیی پۆلی ئەسیلین بە تیرەی ( 75، 90، 110) ملم بە درێژایی 1260 مەتر.

- دروستكردنی حەوزی کۆنکرێتی بە قەبارەی (10x10x20) مەتر.