لەسەر بودجەی بەڕێوەبەرایەتیی گشتیی شارەوانییەکانی سۆران، ژمارەیەک شەقام و کۆڵانی ناحیەی قەسرێ، بە گوژمەی 37 ملیۆن دینار کۆنکرێت دەکرێن.
ڕۆژی سێشەممە، 7ـی تشرینی یەکەمی 2025، وەزارەتی شارەوانی و گەشتوگوزار ڕایگەیاند: لەسەر بودجەی شارەوانی، پڕۆژەی کۆنکرێتکردنی ژمارەیەک شەقام و کۆڵانی ناحیەی قەسرێ لە سنووری سۆران دەستی پێ کرد و پڕۆسەکەش بەردەوامی دەبێت.
وەزارەتی شارەوانی و گەشتوگوزار راشیگەیاند: گوژمەی پڕۆژەکە زیاتر لە 37 ملیۆن دینارە و لەسەر بودجەی بەڕێوەبەرایەتیی گشتیی شارەوانییەکانی سۆران دابین کراوە. پڕۆژەکە بریتییە لە کۆنکرێتکردنی ژمارەیەک لە شەقام و کۆڵانی گەڕەکەکانی ناحیەی قەسرێ.
هەروەها لە ڕاگەیەندراوەکەدا هاتووە: تیمێکی ئەندازەیی سەر بە بەڕێوەبەرایەتیی گشتیی شارەوانییەکانی سۆران، سەرپەرشتیی کارەکانی پڕۆژەکەیان کردووە و ژمارەیەکی زۆر لە دانیشتووانی قەسرێ لێی سوودمەند دەبن و هاوکات کاریگەرییەکی زۆر باشی لەسەر بەرزکردنەوەی ئاستی خزمەتگوزارییەکان و ئاسانکاری بۆ دانیشتووانی ناحیەی قەسرێ دەبێت
کۆمێنت (0)
تا ئێستا هیچ کۆمێنتێک نەکراوە.