بەهۆی دابین نەکردنی مووچەی فیدراڵی ئەمریکا، کۆنسوڵخانەی ئەمریکا لە هەولێر کارەکانی ڕاگرت و ڕایگەیاند تەنها ئەو کارانە ڕایی دەکرێن کە پێشتر وادەیان بۆ دیاری کراوە.
ئەمڕۆ چوارشەممە، 1ی تشرینی یەکەمی 2025، کۆنسوڵخانەی ئەمریکا لە هەولێر لە پۆستێکدا لە هەژماری فەرمیی خۆی ڕایگەیاند: "بە هۆی ڕاگرتنی خەرجییەکانەوە، پۆستکردنی لەم هەژمارە ڕادەگیرێت تا کاتی دەستپێکردنەوەی کارەکانمان." ئەمەش بەهۆی دابیننەکردنی مووچەی فیدراڵی ئەمریکا و "پەسند نەکردنی بودجەی فیدراڵی" لەلایەن سیناتی ئەمریکاوە.
کۆنسوڵخانەی ئەمریکا لە هەولێر ئاماژەی بەوە کرد،هەندێک لە کاروبارەکانی کۆنسوڵخانە ڕاگیراون و هیچ مامەڵەیەک ڕایی ناکرێت، جگە لە خزمەتگوزارییەکانی پاسپۆرت و ڤیزا بۆ ئەو کەسانەی پێشتر کاریان لەسەر کرابوو و وادەیان بۆ دانرابوو.
کۆسنوڵخانەکە ڕایگەیاندووە، بڕیاری ڕاگرتنی چالاکییەکان زانیاریی خێرای پەیوەست بە سەلامەتی و ئاسایش ناگرێتەوە. بۆ زانیاری لەبارەی دۆخی کارکردن و خزمەتگوزارییەکان، دەتوانن سەردانی ئەم لینکە بکەن.
کۆمێنت (0)
تا ئێستا هیچ کۆمێنتێک نەکراوە.