كۆمیسیۆنی باڵای سەربەخۆی هەڵبژاردنەكانی عێراق كۆی گشتی ژمارەی بەربژێرەكان بۆ هەڵبژاردنی داهاتووی پەرلەمانی عێراق بڵاو دەكاتەوە كە بڕیارە لە رۆژی 11/11/2025 بەڕێوەبچێت.
عیماد جەمیل سەرۆكی تیمی راگەیاندنی كۆمیسیۆنی باڵای سەربەخۆی هەڵبژاردنەكانی عێراق رایگەیاند: ئێستا كۆی گشتیی ژمارەی بەربژێرەكان بۆ هەڵبژاردنی داهاتووی پەرلەمانی عێراق بریتییە لە 7734 بەربژێر.
عیماد جەمیل راشیگەیاند: ئەنجوومەنی كۆمیسیاران تا ئێستا 788 بەربژێری لە هەڵبژاردنەكان دوورخستووەتەوە.
سەرچاوەكەی كۆمیسیۆنی هەڵبژاردنەكانی عێراق هەروەها رایگەیاند: بەشێك لە بەربژێرەكان دوای بڕیاری دوورخستنەوەیان تانەیان لە بڕیارەكە داوە، لەوانە تانەی 53 بەربژێر پەسند كراون و بڕیاردراوە بەشداری لە هەڵبژاردنەكان بكەن.
بڕیارە رۆژی 11ی تشرینی دووەمی 2025، هەڵبژاردنی پەرلەمانی عێراق بەڕێوەبچێت كە لە 329 كورسی پەرلەمانی پێكهاتووە.
کۆمێنت (0)
تا ئێستا هیچ کۆمێنتێک نەکراوە.