ئاژانسی گواستنەوەی هێلی ئاسنینی سوید ئهمڕۆ یەکشەممە رایگەیاند، بارانبارینی بەخوڕ لە باکووری رۆژهەڵاتی سوید بووەتە هۆی داخستنی رێگاوبانه سهرهكییهكان و پچڕانی هێڵی شەمەندەفەرەکان.
ئهمڕۆ یهكشهممه 7ی ئهیلول ، ئاژانسی ههواڵی "فرانس پرێس" بڵاویكردووههوه: دهزگای گواستنهوهی هێلی ئاسنینی سوید لە بەیاننامەیەکدا رایگەیاندووە، بەهۆی بارانبارینی بەخوڕ لە شاری ڤیستەرنۆرلاند، هاتوچۆ لەسەر رێگاوبانەکان و تۆڕەکانی شەمەندەفەر پهكی كهوتووه و بە توندی کاریگەری لەسەری ههبووه.
له بهیاننامهكهدا هاتووه : داوا لە شۆفێران دهكهن لە رێگاكانی چوار شارەوانیدا خۆیان لە لێخوڕینی ئۆتۆمبێل بە دوور بگرن کە بریتین لە کرامفۆرس، سۆلڤێتیۆ، ئۆرنسکۆلدسڤیک و هارنۆساند.
ئهوهش هاتووه، لهمڕۆ یەکشەممەوە هاتوچۆی شەمەندەفەر لە نێوان ئۆرنسکۆڵدسڤیک و هارنۆساند بە تەواوی وەستاوە.
هاوكات ههر ئهمرۆ یهكشهممه، خزمەتگوزاری فریاگوزاری لە ماڵپەڕی خۆیاندا چەندین رووداو و لافاو و دەرچوونی شەمەندەفەرێکی بارهەڵگری كه لە رێڕەوی خۆی لایداوه راگەیاندووە، بەڵام هیچ بریندارێک نەبووە.
لیف ویکسترۆم، سەرۆکی تیمی فریاگوزاری بە ڕادیۆی گشتی سویدی راگەیاندووە، "وەک ئەوە وایە ڕێگاکان رووخاون و بوونەتە کونێکی قووڵ".
بهرپرسانی تیمهكانی فریاگوزاری له سوید رایانگهیاندووه: پێشتر هیچ شتێکی لەم شێوەیە رووینهداوه و مایهی سهرسوڕمانه.
ئاماژەیان بەوەشکردووە: "لە ئێوارەی دوێنێوە ئاستی دەریاچەی سوید نیو مەتر بەرزبووەتەوە بههۆی بهردهوامی بارینی بارانی بهخوڕ له ناوچه جیاوازهكانی سویددا. "
کۆمێنت (0)
تا ئێستا هیچ کۆمێنتێک نەکراوە.