سەرۆکی هەرێمی کوردستان پێشوازیی لە شاندێکی باڵای تورکیا بە سەرۆکایەتیی بهڕێوهبهرى گشتيى كاروبارى عێراق و ئێران له وهزارهتى دهرهوهى توركيا کرد و پهيوهندييهكانى توركيا لهگهڵ عێراق و ههرێمى كوردستانیان تاوتوێ کرد.
رۆژی سێشەممە 2ـی ئەیلوول، نێچيرڤان بارزانى، سهرۆكى ههرێمى كوردستان، پێشوازيى له باڵيۆز عهلى ڕەزا گوينهى، بهڕێوهبهرى گشتيى كاروبارى عێراق و ئێران له وهزارهتى دهرهوهى توركيا و شاندێكى ياوهرى كرد.
سەرۆکایەتیی هەرێمی کوردستان بڵاوی کردووەتەوە؛ "پهيوهندييهكانى توركيا لهگهڵ عێراق و ههرێمى كوردستان، دۆخى ناوخۆى عێراق و ههرێمى كوردستان، پهيوهندييهكانى ههولێر ـ بهغدا و ههڵبژاردنهكانى داهاتووى عێراقيان تاوتوێ كرد".
هەر لەو دیدارەدا؛ ههردوولا ستايشى ئاستى پهيوهندييهكانى نێوانيان كرد و جهختيان له برهودان به فراوانكردنى هاريكاريى هاوبهشيان له بواره جياكاندا كردهوه.
بەگوێرەی راگەیەنراوی سەرۆکایەتیی هەرێمی کوردستان؛ "دۆخى ئهمنيى ناوچهكه و دوايين پێشهاتهكانى سووريا و ڕۆژههڵاتى ناوهڕاست و كاريگهرى و لێكهوتهكانى، لهگهڵ چهند پرسێكى جێى بايهخى هاوبهش، تهوهرێكى ديكهى ديدارهكه بوو كه كونسوڵى گشتيى توركيا له ههولێر، ئامادهى بوو".
کۆمێنت (0)
تا ئێستا هیچ کۆمێنتێک نەکراوە.