لیژنەی نێودەوڵەتی خاچی سوور رایگەیاند، نزیکەی 300هەزار کەس لە ئێستادا وەک ونبوو تۆمارکراون لە سەرانسەری جیهاندا، کە نزیکەی 70% زیادیکردووە لە ماوەی پێنج ساڵدا.
ئهمڕۆ ههینی 29ی ئاب، ئاژانسی ههواڵی "فرانس پریس" بڵاویكردووهتهوه، رێکخراوەکە لە بەیاننامەیەکدا کە لە جنێڤەوە پەخشکراوه روونیکردەوە، ئەم زیادبوونە لە ئەنجامی زیادبوونی ژمارەی ململانێکان و شەپۆڵی بەرفراوانی کۆچ و کەمبوونەوەی پابەندبوون بە یاسا مرۆییهكان و ململانێ و شەڕ بووه.
پیێرکراهینبول، بەڕێوەبەری گشتیی ICRC دەڵێت: “لە سودانەوە بۆ ئۆکراینا، لە سوریاوە بۆ کۆڵۆمبیا، رەوتەکە روونە: زیادبوونی بەرچاوی ژمارەی بێسەروشوێنەکان نیشانەیەکی ئاشكرایه کە شکستی لایەنە شەڕکەرەکان و پشتیوانەکانیان له ناوچهكانی شهر له جیهاندا پیشان دهدات.
بەپێی ئامارە نوێیەکان کە ئەمڕۆ هەینی بڵاوکراونەتەوە، تۆڕی پەیوەندی خێزانیی لیژنەی نێودەوڵەتی خاچی سوور تا کۆتایی ساڵی رابردوو نزیکەی 284 هەزار و 400 کەسی وەک بێسەروشوێن تۆمارکردووە، کە لە ساڵی 2019ەوە بە رێژەی 68% زیادیکردووە.
کۆمیتەی نێودەوڵەتیی خاچی سوور (ICRC) دەوڵەت و لایەنەکانی شەڕە چەکدارییەکان بە پلەی یەکەم به بەرپرسیار دهزانێت لە رێگریکردن لە دیارنەمانی و ئاشکراکردنی چارەنووسی بێسەروشوێنەکان و پێشکەشکردنی پشتیوانی بۆ خێزانەکان.
ە بەیاننامەکەیدا جەختی لەوە کردەوە کە "چۆنێتی وەڵامدانەوەی دەوڵەتەکان بۆ پرسەکانی کەسانی ونبوو دەتوانێت کاریگەری لەسەر کۆمەڵگاکان هەبێت.
ئهوهش هاتووه: کاتێک لایەنەکان رێز لە یاسای مرۆیی نێودەوڵەتی بگرن، ئهوا مەترسی بێسەروشوێنبوونی خەڵک کەم دەبێتەوە
کۆمێنت (0)
تا ئێستا هیچ کۆمێنتێک نەکراوە.