سەرۆکایەتیی شارەوانیی سلێمانی لیستی هەزاران فەرمانبەر و هێزەکانی وەزارەتی ناوخۆ و پێشمەرگەی راگەیاند کە لە قۆناغی دووەمی دابەشکردنی زەویدا، ناویان دەرچووە.
سەرلەبەیانیی ئەمڕۆ پێنجشەممە، 28ی ئابی 2025، بە ئامادەبوونی پارێزگاری سلێمانی، قائیمقامی قەزای مەڵبەندی سلێمانی، نوێنەری فەرمانگە پەیوەندیدارەکان و کەناڵەکانی راگەیاندن و سەرۆکایەتیی شارەوانیی سلێمانی، دەستپێکردنی قۆناغی دووەمی دابەشکردنی زەوی بەسەر فەرمانبەرانی سنووری شارەوانیی سلێمانیدا راگەیاند.
لەم قۆناغەدا 17 هەزار و 827 کەس لە فەرمانبەران و هێزەکانی ناوخۆ و پێشمەرگە، کە لە ڕێگای تیروپشکی ئەلیکترۆنییەوە ناویان دەرچووە. لە سنووری پارێزگای سلێمانی زەوی وەردەگرن.
سەرۆکی شارەوانیی سلێمانی پیرۆزبایی لەو فەرمانبەرانە کرد کە ناوەکانیان لەم قۆناغەدا دەرچووە و جەختی لەسەر بەردەوامبوونی پڕۆسەکە کردەوە و راشیگەیاند تیمەکانی شارەوانی بە چڕی کاردەکەن بۆ ئەنجامدانی قۆناغی سێهەمی دابەشکردنی زەوی بەشێوەی تیروپشکی ئەلیکترۆنی، بە ئامانجی زامنکردنی دادپەروەری.
کۆمێنت (0)
تا ئێستا هیچ کۆمێنتێک نەکراوە.